O persoal da Autoridade Portuaria está disponible as 24 horas do día, 365 días ao ano para actuar ante calquera continxencia ambiental na Ría de Vigo.
Operacións de loita contra a contaminación en vertidos ocasionados por hidrocarburos, augas residuais, accidentes marítimos, etc.
Elaboración de informes ante calquera incidente de carácter ambiental
Coa creación de novos protocolos e instrucións que teñen como obxectivo minimizar calquera tipo de continxencia de carácter ambiental, a Autoridade Portuaria conseguiu reducir notablemente o número de episodios de contaminación.
Elaboración de actas de denuncia fronte a infraccións de carácter ambiental
Sancións: A Autoridade Portuaria procede a apertura de expediente sancionador ante calquera incumprimento das instrucións ambientais e/ou contaminación do medio. A cantidade económica destas sancións foi en aumento progresivamente ata chegar á fixación para a sanción mínima de 6.000€ no ano 2005, reflexo da maior importancia que vai adquirindo a conservación do medio.
Colaboración con outras administracións e/ou entidades en materia ambiental
A Autoridade Portuaria de Vigo colabora de forma continua coas seguintes administracións e institucións:
- Concellos, Augas de Galicia: participacións en mesas de traballo para a mellora na calidade das augas da Ría de Vigo, autorización e control de vertidos, etc.
- SEPRONA: A Autoridade Portuaria de Vigo colabora estreitamente coa unidade de protección ambiental da Garda Civil ante calquera incidencia de agresión ao medio.
- Instituto de Investigacións Mariñas: con este organismo a Autoridade Portuaria leva a cabo numerosos proxectos de investigación, principalmente en canto a controis analíticos de vertidos.
- CETMAR: colaboración directa da Autoridade Portuaria con este organismo en multitude de proxectos de I+D+I de carácter ambiental.
- Asociacións protectoras de animais, aves e cetáceos para cando aparecen no Porto de Vigo.
- SASEMAR e Capitanía Marítima: en operacións de loita contra a contaminación e activación do Plan de Continxencias.
- Empresas concesionarias: realización de simulacros e activación de Plans de Continxencias.
Actualización e execución do Plan Interior de Continxencias por Contaminación Mariña Accidental
A Autoridade Portuaria de Vigo e o CETMAR elaboraron o Plan de Continxencias do Porto de Vigo que reflicte as situacións de derramento accidental en tres niveis diferenciados en canto a volume. Divídese en tres tomos:
- Plan de Continxencias do Porto de Vigo
- Condicións ambientais na zona de influencia
- Estudo do efecto de posibles vertidos e análise da súa evolución
Coordinación dos Plans de Continxencias das concesións (subministradores de combustibles, estaleiros, frigoríficos, empresas de reparación naval)
A Autoridade Portuaria de Vigo supervisa o cumprimento dos respectivos Plans de Continxencias das diferentes concesións do Porto de Vigo, a máis de coordinar as operacións de loita contra a contaminación que teñan de levar a cabo ditos concesionarios.
Actualizar e executar o Plan de Recepción e Manipulación de Refugos de Buques
A Autoridade Portuaria elaborou o Plan de Recepción de Residuos MARPOL que trata de xestionar de forma eficaz o servizo de Recepción de Residuos procedentes de buques (MARPOL) no Porto de Vigo.
Ademais, deseñouse e púxose en funcionamento un pioneiro servizo de “Punto Verde” para a
a recepción selectiva de refugos procedentes de buques (residuos oleosos, filtros de aceite, pilas eléctricas, cebos fluorescentes e latas), o que facilita a súa descarga.
Colaboración e control dos concesionarios no cumprimento da lexislación ambiental
(Eliminación das PCB das concesións, autorización dos vertidos de todas as concesións do Porto)
A Autoridade Portuaria colabora activamente con todas as concesións e autorizacións para que estas alcancen os requisitos que fixen as novas Leis e Directivas ambientais, co fin de conseguir un alto grao de protección ambiental para o Porto de Vigo e a súa ría.
Control do cumprimento das avaliacións de impacto ambiental en novas obras
A Autoridade Portuaria executa un control directo sobre as novas obras e proxectos que se realizan no ámbito do Porto de Vigo, comprobando que se cumpran en todo o momento os requisitos esixidos pola Evaluación de Impacto Ambiental ( EIA ), co obxectivo de evitar calquera tipo de episodio de contaminación ocasionado por ditas obras.
